العودة   منتديات روعة الخليج >
•·.·´¯`·. المنتديات الشبابية .·´¯`·.·•
> قسم كلمات الاغاني والطرب / Music & Songs

الإهداءات
ˇ яỡỗζ ✽ : حسبي الله وحده ونعم الوكييل     ..ضجيج..وداخلي جو ساكن : "لا حول ولا قوة الا بالله" الله يرحمه انشاله ويجعل مثواه الجنه ..     فرح الـ ع ـتيبي : ان الله وإن اليه رآجععون الله يرحمممه ويجعل قبره روضضه من ريآاض الججنه ..     لاتجبر الخاطر : ان لله وانا اليه راجعوون ربي يرحمه ويغفر له ويسكنه الفردوسس الأعلى جد تضضايقت من هالخبر وتمنيت انه مقلب وانه يرجع يدخل الله يرحمه ويغفرله     ايمــو : إنا لله وإنا اليه راجعون الله يرحمه ويغفر له ويدخله الجنه من اوسع ابوابها <وربي تضايقت     ملك الحزن : ان لله وان اليه راجعون اعزي نفسي واخوتي واخواتي وادارت المنتدى بفقدان زميلنا رااااشد اللهم اسكنه فسيح جناتك    

كلمات لأغاني عبدالكريم عبدالقادر

كلمات لأغاني عبدالكريم عبدالقادر غــــــــريــــــب غريـب شايل جروحي والحكي وياي غريـب داير وروحي هدّها ممشاي أمشي وقلبي حزن أمشي أشكي

إضافة رد
 
LinkBack أدوات الموضوع انواع عرض الموضوع
قديم 2010-07-05, 11:16 PM   #1
خرش الظفيري


الصورة الرمزية خرش الظفيري
خرش الظفيري غير متواجد حالياً

بيانات اضافيه [ + ]
 رقم العضوية : 1271
 تاريخ التسجيل :  Apr 2010
 أخر زيارة : اليوم (07:07 AM)
 المشاركات : 8,769 [ + ]
 التقييم :  520
 الاوسمة
وسام الابداع الثاني وسام الابداع الاول 
لوني المفضل : Cadetblue

34  

الاوسمة

افتراضي كلمات لأغاني عبدالكريم عبدالقادر




غــــــــريــــــب





غريـب
شايل جروحي والحكي وياي

غريـب
داير وروحي هدّها ممشاي
أمشي وقلبي حزن أمشي
أشكي وطربكم إبكاي


بدت غربتي خطوة مع الّلي إنقال
مشت دنيتي طوّل طريقي وطال
قلت الليالي كلّمت حالي
أوّل حبيب أحبه علّمني معنى المحبه
شلون أخليه وأمشي بدنياي غريب
أدري بحاتيه غالي إبعيني وحبيب


أدري في قلبك كلام ودّك تقوله
أدري فيك وأنا معاك تشتاق وتوله
أدري فيك أدري
لا ما يكفي إنّي أدري
ودّي أسمع كلمة منك
كلمة فيها نور عمري
أنا أحبك
قول قول خل تطير الدنيا فيني
قول قول خل ليالي الشوق تجيني
يالّلي كلمة واحدة منك
ترسم الدنيا بعيوني
غريب غريب
----------------

لا خــــطــــــاويــــنــــا



لا خطاوينا وراها لقى
وإن تلاقينا نتلاقى بشقى
ولازم واحد فينا يضحي
يقسى وينسى الذكرى ويمحي
ومهما دمعي ودمعك هل
بيدي وبيدك يبقى الحل
إما بجرحك ولا بجرحي
لازم واحد فينا يضحي


يا إنت يا أنا
من هو اللي فينا بيبتدي
خل نفتعل الفراق
ونجرح الأشواق
دام الحزن واحد
أدري ترد تشتاق ومثلك أنا بأشتاق
بس لازم نعاند
ومهما دمعي ودمعك هل
بيدي وبيدك يبقى الحل
إما بجرحك ولا بجرحي
لازم واحد فينا يضحي



لا لا تخاف حاول حبيبي
حاول حبيبي ولا تخاف
لا لا تخاف قرر حبيبي
قرر حبيبي ولا تخاف
ما بقى بحبنا بعد شيّ عليه ينخاف
خل الحزن مرة يبدي ولو مرة
بإختياري وبإختيارك
ومهما دمعي ودمعك هل
بيدي وبيدك يبقى الحل
إما بجرحك ولا بجرحي
لازم واحد فينا يضحي

-------------------------

مـــن بـيـن الـنــاس


من بين الناس حبيتك من بين الناس
وبكل احساس اغليتك وبكل احساس
حبك جرى في دمي
نساني كل همي
خلى حياتي غير
من بين كل الناس

صرت بحياتي الروح واللهفه والاشواق
الصمت لك والبوح ولشوفتك اشتاق
عمري فدا عيونك يا ساحر في لونك
وياك مهما يصير من بين كل الناس

اسكن في عيني وشوف وشكبرها دنياك
ماحس انا بأي خوف ان صرت انا وياك
خل ايدك بايدي تحلى مواعيدي
خذني بلا تفكير من بين كل الناس
------------
مـــــــــــرنــــــــــي




مرني مرني
إذا الوقت يسمحلك وتقدر
مرني مرني
ترى إنت عمري كله وأكثر
عسى وقتك يوافق
أنا يا سيدي عاشق
مرني

سنة وأنا أنتظر
طال انتظاري والوقت محسوب
وأنا أدري العمر يا عمري ساري
ويا صبر القلوب
وأنا عمري حسابه لما اشوفك
يا زين الدنيا وعيوني تحوفك
وعسى وقتك يوافق
أنا يا سيدي عاشق
مرني

ألا يا آسري مثلي تشوقت
واشتاقت الروح
ترى يا ناظري ياخذني الوقت
وأيامي تروح
وغرامي اللي حبسته في فؤادي
يشيل الشوق وبصوته ينادي
وعسى وقتك يوافق
أنا يا سيدي عاشق
------------------

مـــــــحـــــــال



محال محال محال
عمر المحال ما يصير
محال محال محال
أعيش أنا حب خالي من التقدير
فكرت أنا فكرت .. قررت أنا قررت
أنسى أنا حبك هذا بعد تفكير

عانيت وكم عانيت
وأصغيت لك طول العمر
ضحيت وكم ضحيت
والروح أتعبها الصبر
آن الأوان إني أحدد موقفي
وآن الأوان أوضح الجرح الخفي
ومن العذاب ومن الجراح أنا أكتفي
فكرت أنا فكرت .. قررت أنا قررت
أنسى أنا حبك هذا بعد تفكير

آه يا أنا يا أنا آه يا أنا
ويني أنا كل هالسنين
آه يا أنا يا أنا آه يا أنا
نبهني صمتي للحنين
عيش الحزن عيش الألم وحدك
وخلني أعيش دنيا الهنا بعدك
ما أنتظر رد وعذر
ما عاد يهم بالنسبة لي ردك
فكرت أنا فكرت .. قررت أنا قررت
أنسى أنا حبك هذا بعد تفكير

------------
مـــــانـــــســـيـناه



ما نسيناه
روحوا قولوا له ترانا ما نسيناه
من عرفناه
ما هفت عيننا على غيره لا بالله

كان يبيعرف عن الشوق اللّي فينا
يسأل عيونه إذا إلتفتت علينا
الغدير اللّي في عيونه
من زلاله ما روينا
وشعلينا من ظنونه
ما تقولون و شعلينا

ياما ياما
يا ما غيرتنا فضحتنا
كل ما جابوا سيرة فيه
نبّهت كم واحد غافل و ساهي
ياما حيرتنا جرحتنا
سهّرت عيننا عليه
وهو مع ربعه يكون مشغول و لاهي
هو يتهمنا و يقول إحنا نسيناه
وإحنا وين ننسى مادام هالغيرة فينا
روحوا قولوله ترانا ما نسيناه
ما نسيناه
---------------
آخـــر كــــلام


آخر كلام انته وانا ما نتفق
آخر كلام والأفضل اننا نفترق
لا عيني تراك ولا أذني تسمعك
في أمان الله روح الله معك
آخر كلام

حاولت في كل هدوء
أسمع كلامك للأخير
حاولت اضحي بكل شيء
الفراق ما ودي يصير
وانت الذي اخترت الطريج
وأشعلت في يوفي حريج
أتركني في حالي وارحل على خير
لا عيني تراك ولا أذني تسمعك
في أمان الله روح الله معك
آخر كلام

عفواً ... عفواً حبيبي الزمان نساني حبك
واكذب عليك ... اكذب عليك لو اقول اني احبك
يا ليالي عشتها ... يا جروح شلتها
انتهى كل شي بيني وبينك
ما بقى لحبك بقايا
لا عيني تراك ولا أذني تسمعك
في أمان الله روح الله معك
آخر كلام
------------
أعتــذرلــج

اعتذرلج والخطا قبلي رجوعه
ياليت انا المخطي بالشي المهم
لو دريت انج من البسمه جزوعه
والله اني طول عمري ما ابتسم
اعتذرلج

ما دريت ان الزمن هذي شروعه
ما دريت الابتسامه اصبحت مثل الأثم
حبج اللي ما فهمت لي الحين نوعه
حبج اللي فهمني جود انا صعب الفهم
يا حياتي يا فجر بأول طلوعه
يا امل عمري ويا اغلى اسم
اعتذرلج

خلي عمري يحترق يضوي شموعه
خلي عمري المهم النور في دربج يعم
انتي كالطفل الذي تجري دموعه
انتي كالطفل ازعله ورضاه في لحظه يتم
ياخذ الدنيا على كيفه وطوعه
والطفل عمر الطفل ما ينتقم
اعتذرلج
-----------
آه يالأسمر يا زين

آه يالأسمر يا زين حبك أسرني ودلالك غير الواني
يا منى الروح والعين الشوق امرني اطيعك وانسى خلاني
الشوق امرني اطيعك وانسى خلاني

سهمك جرحني وغرامك تيّه افكاري
شوقي فضحني وبيّح بالهوى اسراري
جانك دريت فيني بالك تخليني
الشوق امرني اطيعك وانسى خلاني

من يوم عرفتك وطعم النوم ما أذوقه
يا ليت ما شفتك ولا قلبي عرف شوقه
جانك دريت فيني بالك تخليني
الشوق امرني اطيعك وانسى خلاني
--------
ألا واعذابي

ألا واعذابي يا طول ليلي
أشكي ولا من يرد الجواب

ابي اشكي لجرحي لو طال شرحي
وينك يا فرحي اشوفك سراب
أيا حب غالي خذتك الليالي
من لي ولا لي ما غير العذاب
ألا واعذابي

تروح وتجيني ذكرى سنيني
وتسهر في عيني ولا ابدي عتاب
يا وقتي كفاني غدرني زماني
في صدري اماني جرحها الغياب
ألا واعذابي
--------------------
الـلـه مـعـاي

لو تكون انته وكل الناس ضدي
الله معاي .. الله معاي
لو مشيت بالعناد والتحدي
الله معاي .. الله معاي
ما همني ظلمك ... لا لا ما همني
ما هزني غدرك ... لا لا ما هزني
لأن الله معاي .. الله معاي

وجّه دعوتك للناس هات بصورتي واطعن
واذا كان الحكي طبعك انا عندي السكوت أثمن
عزيز النفس يعرف يصون قدره
بشيل الجرح مرد الجرح يبرى
ما همني ظلمك ... لا لا ما همني
ما هزني غدرك ... لا لا ما هزني
لأن الله معاي .. الله معاي

نسيتك نسيتك .. لأن الله عطاني نعمة النسيان
نسيتك نسيتك .. بعد ما كنت عايش بزحمة الأحزان
لا حزن لا جرح والخاطر هدى
ارتحت ونسيتك لأبعد مدى
ما همني ظلمك ... لا لا ما همني
ما هزني غدرك ... لا لا ما هزني
لأن الله معاي .. الله معاي
-------------------
آه يـالـجـراح

لا جيت أنا بسامحك
تبكي الجراح ما ودها
مشتاق ودي أصافحك
عيت يدي لا مدها
آه يا الجراح .. راح اللي راح
وراحتي من يا ترى بيردها

يا حب ياذ كرى واسم
مدري انا ابكي عليك من العذاب او ابتسم
صدقني في يأسي نفسي تبي نفسي تبيك
لا يا دفا شمسي تبيك
ليه خنتني ..الله عليك
آه يا الجراح .. راح اللي راح
وراحتي من يا ترى بيردها

لا تحاكي عيوني .. يمطر سحاب الملح
ولا تلمس أشجوني .. ينبت في قلبي جرح
ناظرني يا خلي .. جرح انا كلي
وشلون أبي ارضى الصلح
فصل الخريف حبي ..حزن وورق أصفر
ودعني يا قلبي..وخل العذاب أقصر
آه يا الجراح .. راح اللي راح
وراحتي من يا ترى بيردها
-------------------أنـادي

انادي والصدى ردد نداي انادي بصوتي المبحوح
حبيبي كل شي بعدك وراي ابيك وخاطري مجروح
قريب انته وبعيد ... وفي بالي الوحيد
وحبك دنيتي وآخر مداي
انادي انادي ... انادي والصدى ردد نداي

نعم نعم ... نعم مشتاقلك وقلبي يبيك ومحتاجلك
كثر ما غبت انا مشتاق .. حبيبي الفرقى ما تنطاق
قريب انته وبعيد ... وفي بالي الوحيد
وحبك دنيتي وآخر مداي
انادي انادي ... انادي والصدى ردد نداي

يا غربة ايامي وسنيني .. وينك ؟
بعدك سكن كل الحزن روحي
عطني من وقتك صبر بشتكي لك واشتكيك
انت يا كل العمر هذا عمري بين ايديك
قريب انته وبعيد ... وفي بالي الوحيد
وحبك دنيتي وآخر مداي
انادي انادي ... انادي والصدى ردد نداي
---------------------



انــا مــن الايــام

انا من الايام والايام مني
اشوفها يا ناس بس تبتعد عني
امشي وراها .. وراها تسبق زمانها
اوقف مكاني .. مكاني توقف مكانها
امد ايدي لها تعبس في وجهها
امسك يدي عنها تضحك لها
سايستها وحايلتها عيت مجيها
سايرتها وارضيتها وقربت اليها
اضحكت وفلت بنورها واحترت فيها
صبرت وتحملت ودعتها وقلت متى ترضى علي
وحكمك علي سيدي الاحساس والرضى مسك الختام


موعود وياها بهنا .. بس وين القاها انا
كم مره توعد وتحلف وانتظر وعد رجيته من سنه
كل يوم على هالحال تجدد الموعد
واصدق اللي انقال واهي للأسف تبعد
ما تعرف بحالتي ما تسمع بونتي
ما تدري بحيرتي واللي جرى ليا
اصدق وعدها واقول عمري لها
ولا ابتعد عنها واقول شي انتهى
سايستها وحايلتها عيت مجيها
سايرتها وارضيتها وقربت اليها
اضحكت وفلت بنورها واحترت فيها
صبرت وتحملت ودعتها وقلت متى ترضى علي
وحكمك علي سيدي الاحساس والرضى مسك الختام


ما كفى ايام صبري ما كفى
لهفتي وانتظاري وسهري ما كفى
وقفت انا تحت شمسك
ما بين اليوم وبين امسك
وانا انتظر وعد ... وانا انتظر وعد
والعمر يجري

ما بقى لي أمل منهو اصدق ؟
قول الحبيب ولا القريب ولا الغريب كلها نار تحرق
شكيت في نفسي وبالناس من حولي
ما عدت اصدقهم لو مهما قالولي
سايستها وحايلتها عيت مجيها
سايرتها وارضيتها وقربت اليها
اضحكت وفلت بنورها واحترت فيها
صبرت وتحملت ودعتها وقلت متى ترضى علي
وحكمك علي سيدي الاحساس والرضى مسك الختام


يتبع...




;glhj gHyhkd uf]hg;vdl uf]hgrh]v



 
 توقيع : خرش الظفيري



رد مع اقتباس
قديم 2010-07-05, 11:17 PM   #2
خرش الظفيري


الصورة الرمزية خرش الظفيري
خرش الظفيري غير متواجد حالياً

بيانات اضافيه [ + ]
 رقم العضوية : 1271
 تاريخ التسجيل :  Apr 2010
 أخر زيارة : اليوم (07:07 AM)
 المشاركات : 8,769 [ + ]
 التقييم :  520
لوني المفضل : Cadetblue

34  

الاوسمة

افتراضي



يتبع....

بـيـنـي وبـيـنـك الأيــام

بيني وبينك الايام
روح روح .. بدال العام اعوام

منته اول من جرح قلبي وراح
ولاني اول من حضن ليل الجراح
روح روح .. بيني وبينك الأيام

في هالزمان منهو اللي فينا مستريح
ما من بشر ما هو بجريح ما من شجر ما هزه ريح
وشفيها لو يعني تقول انا المخطي
ودي اكون معاك صريح من فينا ما يخطي

هذي الحياة .. عن حبي لا مالك غناة
بكره تجي ويا الحنين والذكريات
ودي افتح لك انا قلبي وروحي من كل الجهات
وان رحت ما ينتهي العالم ولا يوقف نبض الحياة
-------------
بــاعــونــي

باعوني ويه ويه
عافوني ويه ويه
وانا اللي شايل حبكم بعيوني
وانا اللي ما كنت افتكر تنسوني
من أجل غلطه .. من اجل غلطه للأسف بعتوني
بعتوني .. بعتوني

نجمي بالأول في سماكم عالي
الأول تحول ورخصتو الغالي
واليوم مالي من يحس بحالي
من أجل غلطه .. من اجل غلطه للأسف بعتوني
بعتوني .. بعتوني

اشكي وانا اللي ما حسبت حسابي
القى عذابي من اعز احبابي
يا ويل قلبي من عذابي ومالي
من أجل غلطه .. من اجل غلطه للأسف بعتوني
بعتوني .. بعتوني
----------------------------
بــأخـتـصـار


باختصار ...
ما اقدر على لحظة ألم صعب الفراق
باختصار ...
عيني تبوح بحالتي ولي صدري ضاق
لو بعدت ابعد من حدود النظر
لو خيالك ما غفى بروحي وسهر
الدقيقه تمر ألقاها عمر
ما ينتظر باختصار ويني انا ووين الانتظار

ساري يا غرام لاول نهاري
ساري والكلام فوق انتظاري
آه يا احساس في عيوني ربيت
وآنا من هالناس إذا حبيت شقيت
وآنا من هالناس من حبي وش لقيت
الدقيقه تمر ألقاها عمر ما ينتظر
باختصار ويني أنا

------
المـعـذره

المعذره ..
قلبي ولا اقدر اجبره يمشي معاك باجي الطريج
المعذره ..
عمري ولا ابي اخسره واخلي همك له رفيج
كافي اللي حاصل ... ماقدر اواصل
ولا تجبر اللي يوم حب يحس يوم انه كره

عشتك وهم عشتك الم عشتك دموع
صعب استمر صعب احتمل صعب الخضوع
وآسف اذا انا قلتلك صعب الرجوع
كافي اللي حاصل ... ماقدر اواصل
ولا تجبر اللي يوم حب يحس يوم انه كره

ارحل بلا تجريح يبقى الرحيل اريح
سابق خطاوي الريح مثلي ولا تسمح
للشوق لي نادى صبر
للذكرى لو خلت اثر
ارحل .. ارحل بلا تجريح
كافي اللي حاصل ... ماقدر اواصل
ولا تجبر اللي يوم حب يحس يوم انه كره

-------
انــا انـسـان

اناانسان مع نفسي قبل ما اكون معاك انسان
ولي مبدأ ولي نظره وتحكمني قناعاتي
احاسيسي حقيقه ثابته في الوصل والهجران
اناطبعي اذاحبيت احب بكل حالاتي

ولااجامل باحاسيسي ولااقبل في الهوى احسان
ولاللمصلحه ياسيدي دور بعلاقاتي
احب الصدق واعمل به كسبته وكنت اناالخسران
ولوصدقي يخسرني تشرفني خساراتي
على كثر الخطا غافر ولااغفرغلطة الخوان
جزاه الصد والفرقى ولو عاندت رغباتي
ولولا العفومااخطيناولانحيا بلاغفـــران

ولوصدقي يخسرني تشرفني خســــــــاراتي
رفيق العمر لو تجفا معاناته معاناتي
هلابك يا اصدق شعورا دخل قلبي بلااستذان
هلابك يالنصيب اللي نثر وجهه على اوقاتي
اذاكان الهوى نعمه حبك نعمة الرحمان
واذاكان الهوى غلطة حبك كل غلطـــــاتي

-------
الـمـشـكـلـه

المشكله الاحساس لوكنت صادق فيه
ماهان قدرك يوم في عيون الناس

كم قلتلك غيّر حبيبي بالهوى اسلوبك
ياما نصحتك وانت يا مازدت بعيوبك
وانته مكانك وين ماله بالهوى اي ساس
المشكله الاحساس لوكنت صادق فيه
ماهان قدرك يوم في عيون الناس

يكفيني بس يكفي ابي تبعد عن عيوني
جرحك وشلته بالحشا يا مخيب ظنوني
همي غدا همين وايامي طواها الياس
المشكله الاحساس لوكنت صادق فيه
ماهان قدرك يوم في عيون الناس

-------
تـغـيـرتـوا

تغيرتو علي والله وانا قلبي عليكم ما تغيّر
ولا ادري وش سبب ظلمي وتعذيبي انا فكري تحيّر
حبايبنا امانه ... غلاكم في مكانه
ولا تنسون هذاك الشوق والذكرى وقلبي العاشق المفتون

على درب الهوى اسال وادوركم وكله همي رضاكم
واذا ذنبي محبتكم ابي اسالكم ليش القى جفاكم
حبايبنا كفايه ... ابي لجرحي نهايه
غريبه شلون يضيع الشوق في لحظه وتنسوني وعلي تقسون

يطول البعد وما اقدر على الفرقى ولا بيدي لقاكم
تظنوني ابي انساكم وكيف انسى وانا روحي معاكم
حبايبناابيكم ... جمال الدنيا فيكم
واظن تدرون لقاكم يوم في عمري يخلي كل عذاب يهون

---------

جـاوبـنـي فـي الـحـال

ما اقول حبني غصب ما اقول
مااجبرك تهوى .. ما اجبرك تهوى
النفس وما تشتهي والقلب وما يهوى
جاوبني في الحال في لأ ولا نعم
تبقى انته الحبيب انته في كل الأحوال
في كل الأحوال

هنيالك
هنيالك اذا في خاطرك ثاني وتحب لا تنحرج
اما انا ؟
اما انا بصبر وعلى الله كل اموري تنفرج
جاوبني في الحال في لأ ولا نعم
تبقى انته الحبيب انته في كل الأحوال
في كل الأحوال

عطني الجواب روحي انا عمري انا عمري العذاب
عطني الجواب ضايع انا مثل حرف في كتاب
قول ... قول لا تتردد في القرار
قول ... قول وانته صاحب الأختيار
من عليه اقدر عليه .. الا عذاب الانتظار
جاوبني في الحال في لأ ولا نعم
تبقى انته الحبيب انته في كل الأحوال
في كل الأحوال

------
جـرحـتـيـنـي

جرحتيني بدون احساس
وحبك يجري بالانفاس
رجعت بكل هوى مفتون رجعت وخاطري مطعون
يا حرّ الجرح لما يكون على ايدك يا اغلى الناس
جرحتيني ... جرحتيني يا اغلى الناس

بأشواقي راسم لك صورة وسط خيالي
واللي جرى منك اكبر من احتمالي
هذا جزى من حب وضحى
يا ليت انا في حلم واصحى
جرحتيني ... جرحتيني يا اغلى الناس

وين الصبر ...
وين الصبر بعد الذي شفته
الا الغدر ...
الا الغدر لا ما توقعته
خل العتب مرفوع هذا قراري انا
يمكن انا المخدوع بس انتي الخسرانه
جرحتيني ... جرحتيني يا اغلى الناس

--------
جـمـر الــوداع

جتني تودعني بصمت و سكوت
يا وقت لا تمشي بسرعه و تفوت
ايدي بجت في ايدها نار وجمر
وعيني اسكنت في عينها وقالت صبر
وانا من الفرقى احيا واموت

اهي وانا ..
اهي وانا مابين صمت وانتظار
اهي وانا ..
اهي وانا وكيف نبدي بالحوار
حبيبتي ... حبيبتي وشحالها قبل الرحيل
اشوف انا بعيونها دمعه ورى دمعه تسيل
كلمتها .. طمنتها .. وعدتها .. ابقى لها
راحت قبل ماانهي الكلام
راحت تخنقها عبره بالزحام
وانا من الفرقى احيا واموت

من بعيد ... عيني عليها من بعيد
من بعيد ... تومي بيديها من بعيد
تلتفت صوبي وانا احتضن حزني وحزنها
واتسائل ويا نفسي كيف ابي اصبر لحظه عنها
حارت الكلمه مابين الشفاه
ما بقى باليوف غير آه وآه
ناظرتني ... واعدتني
وانا من الفرقى احيا واموت

---------

حـبـس حـبـي

ألا ياللي حبس حبي وخلاه برموش العين
يمشيني على كيفه وقلبي من الوله ظامي

الا يا ليت تتركني ولا تسالني ليش و وين
ابي ارحل عن عيونك كفاني غربه اوهامي

وعودك ما توفيها كلامك لي بين وبين
الى وين انا بصبر واشوفك دوم جدامي
حبيبي الوقت ياخذنا ولا عن حالنا دارين
صحيت انا ولقيت الوقت سرقني في احلى ايامي
الا يا ليت تتركني ولا تسالني ليش و وين
ابي ارحل عن عيونك كفاني غربه اوهامي

زرعت الحب فيني نطرته والاماني فيني
ولكن طالت المده ولا حقق لي احلامي
حبيبي كم ترجيتك اجيك بكل وفا واللين
لقيتك ما تحس فيني ومنك زادت اآلامي
الا يا ليت تتركني ولا تسالني ليش و وين
ابي ارحل عن عيونك كفاني غربه اوهامي

-------
رد يـا هـواي

رد يا هواي .. لا تسرق سنيني
طال الطريج .. وضاعت براهيني
بسك غياب .. بسك عذاب
من غبت .. وافراحي سراب
ارجوك ابيك يم عيني رد يا هواي

مر النهار والليل رد بموعده وانا في انتظار
في اليوف نار عطشان ابي قطرة ندى وانته قرار
حبيبي مد الأيادي يطوي مسافات الفراق
حبيبي كلي ينادي واتعبني جمر الأشتياق
ارجوك ابيك يم عيني رد يا هواي

تعال ... تعال
يا غاية احلامي تعال
يا كل ما املك تعال
الشوق فاق الأحتمال
جدد مواعيدك معاي

-------
فـي عـيـون الـبـشر

في عيون البشر اضحك واسولف ولا جنه فيني شي
انا المجروح .. المجروح وآه يا جرح موتني وانا حي
في عيون البشر

قبل اللقا .. كانت حياتي بألف خير
بعد اللقا .. كل شي اشوفه شي غير
رسمت لي الاحلام رسم
صورت لي الحب جنه واهو نار
ياللي حبك لي مجرد اسم
ما شفت انا منه غير المرار
انا المجروح .. المجروح وآه يا جرح موتني وانا حي
في عيون البشر

خطا معرفتي فيك اكبر خطا
يا حب خالي من العطا
تمكن جرحك بقلبي
ياللي موقفك سلبي
يا آه وبعد آه
انا المجروح .. المجروح وآه يا جرح موتني وانا حي
في عيون البشر

---------
غـيـب وانـا اغـيـب

غيب وانا اغيب
ونشوف منهو اللي تأثر
منهو كون ملهوف للثاني اكثر
مهما تصد ولا تروح ادري انا بقلبك سموح
وادري على الفراق مثلي ما تقدر

هذا انته وهذا انا
اذا تقدر على بعدي
هذا انته و هذا انا
اذا تقدر تحب بعدي
روح ولف الدنيا كلها
روح ودور بين اهلها
المحبه .. اللي في قلبي لا تظن تلقى مثلها
مهما تصد ولا تروح ادري انا بقلبك سموح
وادري على الفراق مثلي ما تقدر

نفس الشعور اللي احمله انته يا روحي تحمله
تزعل علي .. ترضى علي زعلك انا استحمله
واحبك الحب الأكيد هذي محبه بالفعل ولا فلا
مهما تصد ولا تروح ادري انا بقلبك سموح
وادري على الفراق مثلي ما تقدر

--------
هـذا انـا

يا سامعي انته معي
هذا انا ... هذا انا
بكتب على صدر الزمان اسمك بنور
هذا انا

يا صوتي المشحون شجن صافي الشعور
اوله عليك .. اوله على همسك
اوله على لمسة ايديك
بغني للدنيا تعال تعال
يا ريحة العالم تعال تعال
هذي عيوني لك سكن
هذا انا

أسرح ورا فكري شكثر محتاجلك
واسري بليل وانته بيدي سراج
امشي على نورك يجرني شعورك
خطوه ورا خطوه ألوذ في سورك
ابغيك تحمي الحب تحميني
وتسكن رموشي ومنزلك عيني
يا سيدي الاحساس
صوتك توالي الليل يناديني
بغني للدنيا تعال تعال
يا ريحة العالم تعال تعال
هذي عيوني لك سكن
هذا انا

اسمع نداي .. ياللي كل لحظه انته معاي
اسمع نداي .. يا كل اماني عمري ومناي
شوقي انا يناديك حس بالوله بالندى
بأني انا ابغيك ويرد على الصدى
يا روح الروح حبك فرضته
آه يا لذيذ الهمس
آه انته بحياتي الشمس
دنياي ما مثلها دام انته فيها وبس
بغني للدنيا تعال تعال
يا ريحة العالم تعال تعال
هذي عيوني لك سكن
هذا انا

يتبع..





 


رد مع اقتباس
قديم 2010-07-05, 11:18 PM   #3
خرش الظفيري


الصورة الرمزية خرش الظفيري
خرش الظفيري غير متواجد حالياً

بيانات اضافيه [ + ]
 رقم العضوية : 1271
 تاريخ التسجيل :  Apr 2010
 أخر زيارة : اليوم (07:07 AM)
 المشاركات : 8,769 [ + ]
 التقييم :  520
لوني المفضل : Cadetblue

34  

الاوسمة

افتراضي



كــل الـجــراح

كل الجراح تهون يا جرح انا بذاتي
كل المآسي طعون والشي مآساتي
يا غربتي .. طالت معاك رحلتي
في دنيتي .. صرتي مساري وسكتي
كفى والله طواني ليل الاحزان
غفى دمع الفرح بعيوني ولهان
كل الجراح تهون يا جرح انا بذاتي

يا دمعة الليل الطويل يا سر احزاني
شايل معاي المستحيل والصبر عنواني
سيف الصبر ذبحتني يا سيف الصبر
غربة وغدر آه من الغدر
يا غربتي .. طالت معاك رحلتي
في دنيتي .. صرتي مساري وسكتي
كفى والله طواني ليل الاحزان
غفى دمع الفرح بعيوني ولهان
كل الجراح تهون يا جرح انا بذاتي

بودعك يا ليل العذاب
بودعك وارحل على متن السحاب
بتشوفني مثل الضباب
مثل الوهم مثل السراب
لو مرت الذكرى عليك
ما ارد لك لو هلت دموعك ندم
ما ار د لك كل عيشتك صارت الم
يا غربتي .. طالت معاك رحلتي
في دنيتي .. صرتي مساري وسكتي
كفى والله طواني ليل الاحزان
غفى دمع الفرح بعيوني ولهان
كل الجراح تهون يا جرح انا بذاتي

--------
للـصـبـر آخـر

للصبر آخر خلاص عافك الخاطر
حاولت أسامح ولكن ماني بقادر
روحي بطريق وأنا بطريق
خلني على جرحي العتيق
خلاص عافك الخاطر

تذكر يوم صرت أنا حديث الناس
ومن منّه .. منك يا أعز الناس
واليوم أقدم لك عذر
وإن كان لي عندك قدر
محبتي تقطع من رجاها الياس
روحي بطريق وأنا بطريق
خلني على جرحي العتيق
خلاص عافك الخاطر

هذا القرار الأخير وإعتبرنا منتهين
لا تنتظر لحظة حنين هذا القرار الأخير
ما أحبك .. بقناعة قلتها
إنتهى الحب إنتهى
إلتهى القلب إلتهى
وهذا القرار الأخير
روحي بطريق وأنا بطريق
خلني على جرحي العتيق
خلاص عافك الخاطر

-----------

مـشتريــه

مشتريه بماي عيني ومدلله
مشتريه
مثل الطفل يخطي علي واتحمله
مشتريه
ما حيلتي طبعي السماح
اكثر من العمر اللي راح
عشرة عمر وسنين اتحمله .. اتحمله
مشتريه

ابتسم له .. ابتسم له حتى في لحظات الغضب
ابتسم له .. ابتسم له حتى في كلمات العتب
بأقتداري اشكي واعاند بالمثل
بأقتداري اعامله برد الفعل
ما حيلتي طبعي السماح
اكثر من العمر اللي راح
عشرة عمر وسنين اتحمله .. اتحمله
مشتريه

حبيبي حبيبي يا حبيبي
كثر ماشفت من آلام ومن افراح
حبيبي حبيبي يا حبيبي
صدقني معاك انته انا مرتاح
احبك يا كل العمر
احبك وتامر امر
ما حيلتي طبعي السماح
اكثر من العمر اللي راح
عشرة عمر وسنين اتحمله .. اتحمله
مشتريه

------------------

مـن بـعـد غـربــه

من بعد غربه جيتك وكلي محبه
عجزت القى في عيون حنان
كل ما اشوفك صد ونسيان
من العيون اللي حبتني
ولا العيون اللي خانتني
من بعد غربه جيتك وكلي محبه

كيف القمر تحزن بليلة قمرها
وكيف العيون تنسى ليالي دهرها
ليتني ما جيتك ولا عن غربتي اقبلت
ما دريت ان ورى غربتي غربه
ما دريت فيها اماني الأحبه
من بعد غربه جيتك وكلي محبه

حسايف حسايف .. كلمة احبك قالتها الشفايف
قلبي تحسر على خل جحدني وقصر
الغربه مكاني وهذا زماني
لا هي اول جروحي ولا هي اخر جروحي
من العيون اللي حبتني ولا العيون اللي خانتني
من بعد غربه جيتك وكلي محبه

-------------------

راجـــــع

راجع بشوقي ولهفتي من غربتي
راجع لربعي وديرتي ومحبوبتي
طاير بعيني الحايره وسط الزحام
ودي الاقي عيونها وابدا معها بالكلام

في لحظه طلت من بعيد احلى من القمر
وفهمت منها ما تريد وانا بشوقي انتظر
يا فرحتي محبوبتي يا فرحتي
نساني قربك غربتي يا فرحتي
طاير بعيني الحايره وسط الزحام
ودي الاقي عيونها وابدا معها بالكلام

ونصير في لحظه سحاب
والخوف من نظرة عتاب
بعينها اقرى سؤال
وعرفت انا بعيني جواب
من حظنا محد درى
وانا عرفت باللي جرى من حظنا
وصارت عيوني حايره وسط الزحام
في شوفتي نظراتها احلى كلام

محبوبتي جسمي ارتعش وانا بعيد
محبوبتي شوقي نقش احلى القصيد
باكر اكيد بنلتقي باكر اكيد
وارسم معاك بخطوتي باكر اكيد
راجع بشوقي ولهفتي راجع
راجع لربعي وديرتي راجع

------------------
رد الـزيــارة

رد الزّيارة
رد الزيارة علينا يا حلو الأطباع
ما عدت أقوى فراقك أكثر من إسبوع
رد الزيارة

من يوم وادعت زولك و القلب ملتاع
للحب سلطان أمره مقضي ومسموع
لا يشغلك قول واشي .. القول خدّاع
ما في دروب المحبة حاجز وممنوع
رد الزيارة

مد الخطاوي وعاود يا خلّي إبساع
في خافقي صار حبّـك يالزّين مطبوع
الحب بيني وبينك مكشوف القناع
يعطي البراهين ما بين آهات و دموع
رد الزّيارة

------------------
سـامـحـنـي

سامحني خطيت وخاني التعبير
سامحني والغلطة بعد ما تصير
عاتبني وبالعتاب أرتاح
عاتبني وريحني وسامحني على التقصير

أعترف أعترف ومستعد أنا احلف
صدقني ماكان قصدي ما كان ودي يا حبيبي نختلف
إعترافي لك ما هو معناته ضعف
إعترافي لك من ذوقي و لطفي
عاتبني وبالعتاب أرتاح
عاتبني وريحني وسامحني على التقصير

بيدك إنت الأختيار
أنا قدمت إعتذاري وإنت بيدك الأختيار
تسمح وتنسى اللي صار
بيدك إنت يا حبيبي تسمح وتنسى اللي صار
عاتبني وبالعتاب أرتاح
عاتبني وريحني وسامحني على التقصير

----------------
شـخـبـارك

وين انت وشخبارك
يا مغرب عن ديارك
انا كل يوم اكحل ناظري بدارك
اتمشى تحت هالسور اناظر بيتك المهجور
وينك يا فنر هالبيت وينك
بعدك انطفى العالم
ما بقى بالشوارع نور
وين انت

حبيبي .. حبيبي اذكرك بالخير
واشوفك روضي الأخضر واشمك ريحة النوير
ذبل هالورد بعد مافارق الساقي من يرويه
تعال ارجع اذا بعمري بقى باقي بشوفك فيه
وينك يا فنر هالبيت وينك
بعدك انطفى العالم
ما بقى بالشوارع نور
وين انت

انتهى العام وابتدى العام الجديد
وانته ناسينا اكيد
الله ما جنه في هالدنيا ورق ولا بريد
وانته بعيد تاحش السكه وانا فيها الوحيد
واللي بقى باب الحديد
وينك يا فنر هالبيت وينك
بعدك انطفى العالم
ما بقى بالشوارع نور
وين انت

----------------
تأخرتي
تأخرتي يا عمري الذي أقبل
تأخرتي و هذا الموعد الأول
أحسب له أنا الأيام و السّاعات و اللّحظات
لأنّه موعدي الأول
تأخرتي

ما بيني و بين روحي
أخذت من الكلام أحلاه
للأنك هوى روحي
يا أغلى شيئ أنا بألقاه
و كلما قرّب الموعـد
أحاسب نفسي و أتردّد
أنسى و أعيد من الأول
لأنه موعدي الأول
تأخرتي

تأخذني أنا النشوة
هذا و أسري على مسراك
و تسبقني لك الخطوة
تصوّر موعدي ويّـاك
و كلما قرّب الموعـد
أحاسب نفسي و أتردّد
أنسى و أعيد من الأول
لأنه موعدي الأول
تأخرتي

---------------
تـصـدق حـبـيـبــي

تصدق حبيبي تاخذني الأشواق
نصايف الليل ويمك توديني
تصدق حبيبي تجبرني الخطوه
غصبن على روحي صوبك تمشيني

المشكله اني لا سامع صوتك
ولا شايف زولك ولا بيننا ميعاد
من حر مافيني مره نص الليل
ولهان لك بالحيل والشوق لك وقاد
حبيبي حبيبي ليتك تشوف شلون
امشي الخطاوي بهون من همي وجروحي
تصدق حبيبي

لوتدري يا عمري كم بالخفا ناديت
من كثر ماعانيت والحيره بظنوني
والله ياعمري ماشفتني بهالحال
ويا الحزن رحال لون الحزن لوني
حبيبي حبيبي بعدك انا ماقوى
وانطالت الشكوى حبك سكن روحي

يتبع..



 


رد مع اقتباس
قديم 2010-07-05, 11:19 PM   #4
خرش الظفيري


الصورة الرمزية خرش الظفيري
خرش الظفيري غير متواجد حالياً

بيانات اضافيه [ + ]
 رقم العضوية : 1271
 تاريخ التسجيل :  Apr 2010
 أخر زيارة : اليوم (07:07 AM)
 المشاركات : 8,769 [ + ]
 التقييم :  520
لوني المفضل : Cadetblue

34  

الاوسمة

افتراضي



ظــمــاي انـت

ظماي انت ..
ومن يعشق ظماه غيري
جروحي انت ..
ومن يكره دواه غيري
اسقني لو ما ارتويت
داوني لو ما شكيت
ماهقيت اني اعطش
في حياتي لغيرك انت
مادريت ان مابه أغلى منك ..الا انت
يا ظماي انت

ما تصور ان عيني مره تغفى وما اشوفك
ما تصور لو يطول الصمت ما اسمع حروفك
تدري احساسي بخوفي هو أماني
لما تسأل عني ليله عن مكاني
ما تصور كيف تحرقني الثواني
شمعه في ليل انتظارك
ياللي يسبقني زماني
من عطش ليلي ونهاري
عطني موعد وانسى موعد
بس لا تهجر وتبعد
اسقني لو ما ارتويت
داوني لو ما شكيت
ماهقيت اني اعطش
في حياتي لغيرك انت
مادريت ان مابه أغلى منك ..الا انت
يا ظماي انت

يا ظما قلبي لقلبي
وغربة اعيوني عن عيوني
وينك انت
ياترى الليله في صدري
لا ..
في جفني
لا ..
في الشعور اللي خطفني
آه ... لو تدري بشوقي
آه ... .يا ظما الدنيا بعروقي

----------

ودعتها والشوق بيني وبينها بحور
ودعتها رغم خوفي والوله مجبور
الحزن في ايدها بيأس يشدني
وكل درب عنها بعيد يصدني
مدري المحبه ضيعتني
ولا انت ضيعتها

ما حكت والحزن بيني وبينها
في صمتها تضيع ادور وينها
فجأه اختفى كل الكلام
وتاهت حروفي بالظلام
كل الاماني وقتها
ردت لقلبي اشتقتها
مدري المحبه ضيعتني
ولا انت ضيعتها

لو سنين عمري تضيع والزهور تنسى الربيع
ما انساها ابد
لو يصير الشوق دمي او سواد الليل همي
ما ادور احد
ويش ادور بعدها لو نساني وعدها
مدري المحبه ضيعتني
ولا انت ضيعتها

ودعتها

----------------
ويــنــك

وينك .. وينك .. وينك
ضوى القلب وينك
ضوى الروح وينك
وينك يا حياتي
مترجي حنينك
وينك .. وينك .. وينك
آه وينك

ولهان يا غناتي لو مره اشوفك
تضويلي حياتي وتملاها بنورك
والمك بروحي واداوي جروحي
شذنبي يا روحي يوم اني هويتك
وينك .. وينك .. وينك
آه وينك

ياما في المحبه من صبري عطيتك
سهرت الليالي وايديني بيدينك
انته اللي بعمري مكتوبي وقدري
لا تتركني وحدي والله مالي غيرك
وينك .. وينك .. وينك
آه وينك

----------------
يــا طــول الـلـيـل

يا طول الليل من دونك ياطول الليل
يا طول الوقت من دونك ياطوله حيل
نهاري ما تجيه الشمس
اذا ليل خلا من همس
يا صوتك لامس آفادي
لمسني لمس ... يا طول الليل

دفى صوتك اذا جاني نغم
تهادى في شراييني
وزاد بهمسه وجداني
ولوّن دنيتي صوتك
وصرتي كل الواني
وكل عمري تناديني
نهاري ما تجيه الشمس
اذا ليل خلا من همس
يا صوتك لامس آفادي
لمسني لمس ... يا طول الليل

بعيده انتي .. دفى صوتك حياتي وحلم ايامي
وانا ظامي يا كل الدنيا جدامي وانا ظامي
تزوريني وانا احجي وانا امشي وانا غافي
واذا غنيت انتي دنيا انغامي
نهاري ما تجيه الشمس
اذا ليل خلا من همس
يا صوتك لامس آفادي
لمسني لمس ... يا طول الليل

------------------
يكفي خلاص
عن حبنا غض النظر
يكفي خلاص
منك انا خذت العبر
لا تتعذر بعد اللي صار
جرحي اكبر من الاعتذار
دست على جرح صبر .. قلت اسامح ما اقدر
يكفي خلاص .. خلاص

حبي لك غلطه ... غلطه
ياللي أمنتك على حالي
حبي لك غلطه ... غلطه
كلفت عمري ثمن غالي
شلون أسامح يا أسف ... جرحي بعده ما نشف
حبي كبير اكبر من انك تجهله
حبي كبير صدقني ما تستاهله
لا تتعذر بعد اللي صار
جرحي اكبر من الاعتذار
دست على جرح صبر .. قلت اسامح ما اقدر
يكفي خلاص .. خلاص

لا تنتظر لا .. مني عتاب
في صمتي لك فيه الجواب
كل شي تلاشى وانتهى
ما بقى غير العذاب
انتهى عصر العواطف والعواطف والحجي
ما بقى غير جرح ناطق ما بقى يبجي من حبك بجي
ما عندي وقت اسمع كلام
هذي النهايه والسلام
لا تتعذر بعد اللي صار
جرحي اكبر من الاعتذار
دست على جرح صبر .. قلت اسامح ما اقدر
يكفي خلاص .. خلاص

-------------------
يـا مـاخـذ الأيـام

يا ماخذ الايام ...يا ماخذ الاحلام
وقف تمهّل توهّل لا تخلي الدنيا بعيوني ظلام
لاتحبس الكلمات وحروف الكلام ... وقّف
لا الصمت اسلوبك ولا الغدر ثوبك
انا عالاقل في يوم كان اسمي محبوبك

سؤال بين الشفا حاير
سؤال من رحت كم مره انسأل
خيال يمر علي الخاطر
خيال ولا حقيقه اللي حصل
هل كنت انا اتبع سراب
اتبع سراب
ولا هواك بحره عذاب
بحره عذاب
ولا وهم
حب انعدم
جاوبني محتاج لجواب
لا الصمت اسلوبك ولا الغدر ثوبك
انا عالاقل في يوم كان اسمي محبوبك

عمــــــــــري أه يا عمري
هالقول لو تدري شوراه
عمـــــــــــري أه ياعمري
نداي لا تخيب رجاه
كلمه منك كل ش**** اتبدد تختفي
خطوه منك تنهي خوفي ويتحدد موقفي
ارجع اشتياقي لك يزيد
ارجع احتياجك لك اكيد
لا الصمت اسلوبك ولا الغدر ثوبك
انا عالاقل في يوم كان اسمي محبوبك

-----------------------

يـانـور عـيـنـي

يانور عيني
لاسكت اعذريني
ساكت ومن مثلي
يسوي سواتي
تاخذني افكاري
شمالي ويميني
عيا حديثج لا يبدل سكاتي

فكرت بللي فاتني من سنيني
قعدت اعدد سيرتي وحسناتي
دنيا تخلي اللي جاسي يليني
ياليتها تمشي على مشتهاتي

يلي مكانج بين جفني وعيني
لوهوا بيدني اعطيج عمري وذاتي
عرفج تاخرتي وينج وويني
ليتني عرفتج في بدايت حياتي

---------
انــا رديــت

أنا رديت لعيونك أنا رديت
ولك حنيت مثل ما يحن حمام البيت
أحبك حب يا روحي ما حبه أبد إنسان
ما أغبّي وأقول أهواك ما أغبّي
ما أغبي شكثر ولهان ما أغبي
ولعيونك أنا رديت أنا رديت

قزر عمري أسولف فيك ولا أتعب
وكل منك وكل ما فيك غصب ينحب
على خدك يا نوّير الربيع زاهي
نظر عينك طفل عن دنيته ساهي

يا علّك ما نسيتيني
يا علّك كثر حبي تحبّيني
أنا وإن طالت الغربة
أرد لك وأسبق سنيني

منساك منساك لو مهما جرى
منساك منساك يا أنس روحي وغربتي
وعيونك الحلوة ترى
آخر محطة بدنيتي منساك

-------------

وداعــيــه

وداعية يا آخر ليلة تجمعنا
وداعية أعز الناس يودعنا
ليلة ويا عساك تعود
عسى الله يصبر الموعود
أنا بعدك عمر مفقود
دنيا بلا معنى .. بلا معنى

لحظة يا بقايا الليل لحظة
لحظة ما بقى بالحيل لحظة
بالهدا يا ليل .. ما بقى بي حيل
حسيت إني بانحرم شوفي
ما اقدر أوادع قطعة من جوفي
ليلة ويا عساك تعود
عسى الله يصبر الموعود
أنا بعدك عمر مفقود
دنيا بلا معنى .. بلا معنى

قال الوداع قال
لحظة وداع قال
وهلت الدمعة وسال
الكحل فوق السواطر
كل دمعة من عيونك
أشتريها بألف خاطر
إنت غربة وأنا بدروبك محطة
آه يا حظي ما وصل يمي وخطّى
قال الوداع قال
قال الوداع

-------------

كل عــــــام وجرحـــــي بخيــــــر




مرت سنه .. على فراقك
على صوتك .. واشواقك
غريب كيف االزمن يرحل
واحلام العمر .. تذبل ..
سنه مرت .. وانا أول ..
حبيبٍ يوقد الشمعه
لجرحه في يوم ميلاده
هلا .. بالحب .. واعياده
وكل عامٍ .. وجرحي بخير

مشيت دروبنا .. خطاوي قلوبنا
ومريت الوعد .. وعدنا العام
ماكان الوعد .. ولا الأيام .. هي الايام
وما ادري ليه هالشارع .. نسوه الناس
ومتى هالمقعد الخالي .. يجوه الناس
حبيبي .. ليه فـ غيابك .. يغيبوا الناس
حبيبي .. ايه والله حبيبي .. ايه والله
نساني العمر.. لو انساه
نساني الفرح .. لو انساه
احبه .. ما ظهر نجم .. ونبت عشب .. وسرى براق
أحبه .. لا زمن يشقي جروحي .. لا جفا .. وفراق
أنا هذا الهوى كله .. وقلبي آخر العشاق

-------------

هبــــات الـــنــسيـــم




وش جابني

جابتني هبات النسيم والذكرى والحي القديم

وحلم الصغار طفلين بعيون النهار

نركض تحت فيي الجدار

من كان يقول هالحلم يمضي للزوال

وهالحب يصبح يتيــــم وش جابني

جيت ادور عن بقايا وعن اثر وليل وعيون وسهر

وسكة بللها المطر

الله الله لي نسنس الغربي حزات الغروب

واطراف الجدايل يداعبها الهبوب

آه لو تحكي الدروب من كان يقول....

في هالمكان ابتدأ الحب اللي كان

في هالمكان كفي حضن كفك زمان

تذكر ولا نساك الزمان......

ياما وسط عيني غفيت وغطيتك برمش العيون

خايف اصحيك وتفز وخليتك بقلبي الحنون

لكني ابدا مادريت ان الزمن له الف لون

من كان يقول هالحلم يمضي للزوال

وهالحب يصبح يتيم..... وش جابني

--------------

تــــــجــــــمـــــــل




تجمل بالصبر وآنا أتجمل...فؤادي لجل عينك كم تحمل

وكم قلبك تحملني حبيبي...تصبر علها في يوم تنحل

أشوفك يا رسوم الشوق باجر..واسمع كل حجي حلو النواظر

أحس إن الصبر قد دانت قطوفه..ونقطف من ثماره ونتسهل

غرامك يارخيم الصوت آسر..وهمسك في ليالي الشوق ساهر

وهذا اللي يصبرنا حبيبي ..صبرنا والصبر تاليه أجمل

---------------
مــــابـــــقــــالـــــي





حبيبي يوم احبك مابقالي....

من دروب الهوى كود التمني...

بقالي جرح في عمر الليالي....

عذابه خيب أحلامي وظني....

لقيتك في زمان ماطرالي.....

دريت انه يبي منك ومني.....

لثمتك بالغلا وأنسر حالي....

بعد ما زاد شوقي وامتحني...

شريتك في هوى من كان غالي...

ونسيت جروح في قربك طوني....

رفعت الصوت في حبك ولالي...

سوى قلب لك أشواقه تغني...

---------------
يـــــــا ساعة الـــــفرحـــــة




ياساعة الفرحة تشوقت للعيد....


عيد العيون وعيد قلب الصبابة....

ردي الجمال لشوفتك يااتلع الجيد...


واسحب على حرفي لحون الربابة...


حرفي بصوتك يأجمل الصوت تغريد....

يارمز حبي هاك رمز الكتابة....


ياصبح عمري فيك للعمر تجديد...


حبك يجدد كل يوم شبابه....

للعين والقمرا وحسنك مواعيد...


ودليل الهوى شرع للأحباب بابه...


ياما زعجت الصوت باسمك تراديد...

وياما نسيم الوجد يمك سرى به...


ياما تمنيتك على باقي الغيد....


واقول مثلك ياغلا الروح مابه....

ابيك تهوى مثل مأهواك وتزيد...


يامن خفوق القلب حسنك غدا به...


ياقطرة الغيمة على يابس البيد....

رد الحياة لخافقي ياذهابه.....



يتبع..



 


رد مع اقتباس
قديم 2010-07-05, 11:20 PM   #5
خرش الظفيري


الصورة الرمزية خرش الظفيري
خرش الظفيري غير متواجد حالياً

بيانات اضافيه [ + ]
 رقم العضوية : 1271
 تاريخ التسجيل :  Apr 2010
 أخر زيارة : اليوم (07:07 AM)
 المشاركات : 8,769 [ + ]
 التقييم :  520
لوني المفضل : Cadetblue

34  

الاوسمة

افتراضي



تـــوالـي الـلـيـــل




طرالي بغيبتك طاري توالي الليل وذكرني

وفتح لي دفتر الذكرى ومع الأحزان بعثرني


وتركني أتصفح أوراقه وبين حروفه سهرني

وقف دمعتي بعيني وحيرها وحيرني


وشدني حــــيل للماضي وخلا الشوق يجبرني

وساعات الشوق يترجى وساعات الشوق يأمرني

-------------------
وقــــــــت التـــــســـــامح




لاحل أنا عندي ....غير انك تكون بعيد

واضح أنا ردي .... رجاك اليوم لا مايفيد

صعبة أنا وياك نبقى نكون واحد


بيني وبينك جرح....بعده عليك شاهد

ابعد بعيد وروح .... خل ترجع الأفراح

وقت التسامح راح

ريح وخلني ارتاح

وقت التسامح راح

لاتنتظر مني كلمة ولا رد يرضيك

اللي ضماه منك لاتفكر يرد يرويك

عانقت أنا النسيان وودعت أحزاني

حبك نسيته وصار في بحر نسياني

ابعد بعيد وروح

لا لا تمد ايدك...خلاص إحنا غدينا أغراب

لاعذرك يفيدك...ولاقربك يردنا قراب

ابعد وخذ وياك...شوق وعذر جابك

قربي طريجه بعيد ابعد من حسابك

ابعد بعيد وروح

------------------
وقــــــــت التـــــســـــامح




لاحل أنا عندي ....غير انك تكون بعيد

واضح أنا ردي .... رجاك اليوم لا مايفيد

صعبة أنا وياك نبقى نكون واحد


بيني وبينك جرح....بعده عليك شاهد

ابعد بعيد وروح .... خل ترجع الأفراح

وقت التسامح راح

ريح وخلني ارتاح

وقت التسامح راح

لاتنتظر مني كلمة ولا رد يرضيك

اللي ضماه منك لاتفكر يرد يرويك

عانقت أنا النسيان وودعت أحزاني

حبك نسيته وصار في بحر نسياني

ابعد بعيد وروح

لا لا تمد ايدك...خلاص إحنا غدينا أغراب

لاعذرك يفيدك...ولاقربك يردنا قراب

ابعد وخذ وياك...شوق وعذر جابك

قربي طريجه بعيد ابعد من حسابك

ابعد بعيد وروح

-----------------
أحــــــبـــــــك



أحبك عدد ماقالوا العشاق كلمة أحبك

أحبك عدد ماسطرت الأوراق كلمة أحبك

أحب شمسك وأحب ظلك وأحب بقربك أيامي

وأحب همسك وأحب صمتك وفرحي فيك وآلامي

وأحب الليل لأنك قمرته وضيه

وأحب النور لأنك نور هالدنيا


حبيبي إذا مر يوم وماشفتك

حبيبي أناظر في الخيال رسمك

كأنك جيــــت وناظرتك


حبيب الروح لو تدري حياتي بيدك وأمري

برددلك وأغنيلك لآخر لحظة في عمري


أحب شمسك وأحب ظلك وأحب بقربك أيامي

وأحب همسك وأحب صمتك وفرحي فيك وآلامي

وأحب الليل لأنك قمرته وضيه

وأحب النور لأنك نور هالدنيا

----------------------------

وش سويت فيــــــنــــا



انت وش سويت فينا رحت وحتى ماتجينا

حتى ما تسأل علينا يا كبر والله خطاك


مدري حنا وش خطانا حتى تبعد عن هوانا

ولا انت مو معانا يوم طرنا في هواك


ماعرفنا إلا حبك ومامشينا إلا دربك

وماطلبنا إلا قربك وانت تبخل في عطاك

----------------
((( لأ )))



لحظة ماكلمته ...لحظة ماطاوعته

لحظة ماوافقته

وخذت القرار... وقلت له صار

وينك ياكلمة لأ

وينك يا خوفي ...وينك يا رفضي

الحيرة شوفي...والشوك أرضي

أخطيت أنا غصب علي

أخطيت آنــــــــا

وينك ياكلمة لأ

آآآآآآه ياحزن

كنت احسبك زاير ...زاير تجي وتروح

غيمت عالخاطر...وتوهت الوضـــوح

أخطيت أنا غصب علي

اخطيت آنــــــا

وينك ياكلمة لأ

----------------------

أنـــا وانــــــتــه




أنا وانت الهوى فينا زمان ولا تلاقينا

رفضنا واقع الأيام خلاص معاد يمدينا


تعبنا وحنا نتأمل نبي أحلامنا تكمل

وضاع اللي نبيه يحصل وضاعت كل أمانينا


علينا وضعنا مكتوب نعيش الوضع يالمحبوب

حزن بالصدر منصوب وليال الحزن تطوينا


يظل الكون له أسرار مخفيه عن الأنظار

ولاندري عن الأقدار ورضينا بكل مايجينا

-----------------
كـــــل الــــــحـــــــــب




ارجع ياكل الحب .......ارجع ياروحي

ارجع أنا محتاج..........لأيامك الحلوة

مليت أنا مليت........زادت جروحـــي

ارجع ياروح الروح.....الهجر مايسوى

خليتني مابين......شكي وخوفي

لاني بأمل مفقود......ولاني على الحروة

حبل الوصل خله بينك وبيني

لاتقطعه ارجوك ولاتباعد الخطوة

من غبت عني غاب فرحي ونساني

ما غير اشكي الحال واعاود الشكوى

رد الفرح رده رد لي الأماني

ما عدت أنا والله على غيبتك أقوى

مليت أنا مليت زادت جروحي

ارجع ياروح الروح الهجر مايسوى

--------------------

يـــــاقـــــدرة الـــــلــــــه




ياقدرة الله ياخلقة الرحمن

شافت عيوني ملاك

في شكل إنسان

حارت خطاي ..مذهول...مسحور

كني أشوف مخلوق ...مخلوق من نور


ياقدرة الله

العيون

آه من سحر العيون

جور وحنان....خوف وأمان

تضحك....وهي غرقا دموع

فيها تقل وهج الشموع

موج المشاعر بين الأهداب دوار

فيها ندا..فيها مدا..فيها عطا وأسرار

حارت خطاي ..مذهول ...مسحور

كني أشوف مخلوق ...مخلوق من نور


ياقدرة الله

لأول مرة في حياتي

تحير الكلمة بشفاتي

من دهشي

يخون المعنى تعبيري

تشل الفرحة تفكيري

من لهفتي

لأول مرة اتهنا

واقول اللي اتمنا

واعيش الفرحة في عمري

واسلم للحبيب أمري

يتبع..



 


رد مع اقتباس
قديم 2010-07-05, 11:21 PM   #6
خرش الظفيري


الصورة الرمزية خرش الظفيري
خرش الظفيري غير متواجد حالياً

بيانات اضافيه [ + ]
 رقم العضوية : 1271
 تاريخ التسجيل :  Apr 2010
 أخر زيارة : اليوم (07:07 AM)
 المشاركات : 8,769 [ + ]
 التقييم :  520
لوني المفضل : Cadetblue

34  

الاوسمة

افتراضي



(( أسمع صدى صوتك ))




أسمع صدى صوتك مع ضجة الناس....

والحس يسري للضماير حسوسي....

أنسى معاك العزم والفكر والياس...

وحبك بقلبي للضمير امغروسي....

واهيم في بحر بالأمواج غطاس...

وأسج وانسى عن ربوعي جلوسي....

قربك شفا للروح والنود نسناس...

وروياك سعدي عن ليالي نحوسي....

يمورد الخد المعسل بالألعاس....

ياضي جبينه في الظلام الدموسي....

العين عين اللي على الكف حباس...

والصيد له بمعودات الفروسي...

فرخ الحرار مذهب الريش طلماس...

أشقر عليه امن النداره هيوسي...

ياضي ضيا خده كما نور نبراس...

والا شعاع الشمس قبل الغلوسي...

كنه يحش القلب مرهوف لا مواس...

حش الصريم اللي نواه اليبوسي...

عليه من فقدي ووجدي والاحساس...

مثل الضريم اللي عليه امحموسي...

نار اتواقد هبـــهــا نــــود لـــســـاس...

موقد غضاها من حطبها يبوســـي....

--------
الجرح الخطـــيــر





ونتي من ويعة الجرح الخطير....ماغضا جفني ولا لي نوم طاب

ونة الماخوذ من قومه أسير....يرظف الونات مأسور مصاب

أو كما ونات مكسور الجبير....والجباير كسرها مايستطاب

أشتكي من ونة القلب الكسير....من تصاويبك ومن كثر العذاب

لك غلا في باطن الخافي الضمير....دايم في وجودي والغيـــاب

لا ولادونك ولا لي قط غير....ياعذابي منك يامنك عذاب

شوفني في صايب الحب الكبير....دايم ابهم وهموم واكتئاب

تختبرني وانت في حبي كبير....والمحبه بيننا شوق أو عتاب

الهوى ياسيـــدي ماله أمـيــر....وانت سيد البيض تلعات الرقاب

ليت مرسولك لفا منه بشير....ذا بريح القلب لو كلمة عتاب

لا تواخذني بقول المستعير....كالغفير ايمر والا كالســراب

ياشبيه الريم ياعين الحذير....عين فرخ الحر والا عين داب

نور خده يشبه البرق المنير....أو كما بدر تجلى من سحـــاب

مالي عوده له المضمر صغير....والمجدل مثل ماجنح الغراب

فوق متنه ســابح مثل الحرير....ينتشل وان هبه النسناس ساب

يارسول الخير عجــــل بالمسير....وانت بالمعروف تجزى بالثواب

-----------

((( العمر الجديد )))



ياكريم العشق ... وجهك صدى عشقي

ياكريم الشوق ... شوقك رسم صدقي

وانت مثل ما أنت... سيــــــل الحنان

ترخي بظلك علي...والقى الأمــــان


الله يالعمر الجديد... انت الوحيد عشقي


انت ياعذب الكلام.. أسمى غـــرام

ســلام ســــلام ... يامالك شعوري

حبيبي وانت تكلم .. كلام منــــغــم

بالحــــــب مفـــعم...وتسكن ضميري

أشتاق يامنبت الطيب... ايضفني طيبك

أشتاق لضحكتك...أشتاق لهمستك

تسافر بيوفي ... واسافر بيوفك


الله يالعمر الجديد... انت الوحيد عشقي


كل الخطاوي خطوتك...وكل الوجوه وجهك

وكل السوالف كلمتك... وكل الحديث اسمك

والمــــــوج لمايرسمك.... كل البحــــور رسمك

والحب في قلوب البشر.... نقطه بحر حبــــك

انت ابتدعت الغلا.... وقبلك مافيه غلا

وانت سميت بالحلا...ومنك عرفت الحلا


الله يالعمر الجديد... انت الوحيد عشقي

-----------

تجاوز حدوده



أخطيت في حقي أمرار وسامحت....

زاد الخطا منك وتجاوز حدوده...

حتى لون مديت ايدي لك وصافحت....

القلب مايبغيك والنفس مسدوده....

هم على هم زاد الكيل وأطفحت....

أنا أحترق وأنت ماخذها بروده.....

كم مره بمره لجل الحــــب أصفحت...

وهبت لك حــــب ماشفت مردوده....

أنا تحت شمس حراقه تجرحت....

وأنت تحت غصن غطاك بوروده....

لا حي ولا ميت بين الناس أصبحت...

جسم ترى موجود والروح مفقوده....

----------

تــــــخـــيل



تخيل لو تفارقنا وعشنا في هوانا أغراب.....

تخيل لو تناسيتك وقلبك صار ناسيني.....

تخيل لو تباعدنا وكل شوق جمعنا ذاب....

تخيل لو تجي صدفة عيونك يوم في عيني....

تخيل لو خلا هالكون ولا يسكن ثراه أحباب.....

تخيل وش يصير الحال ما بينك وبيني....

حبيبي للوصل سبه وللفرقا كثير أسباب.....

وأنا صابر على ظلمك وجرحك حيل مشقيني...

تخيل لو جرحتك يوم وجرحك بالهوى ما طاب....

تخيل بس لو مره تبيني ماتلاقيني .....

تبي تشكي تبي تبكي تبيني والأمل بغياب....

صرخت بصوتك العالي من الضيقة تناديني.....

----------
تــــوك تجــــي



تسافر ورا النسيان....توك تجي

وأحلامي سوات الليل...ماتــنــجـلي

أبي مطلعك.... ودي معـــــك

أنهي عذابي في سلام

يارحلة الماضي البعيد...بك ذكرياتي وشتفيد

خلفك فراغ الليل....وبعيوني أمل

وأثرك ضياع ويل....مايـــــحــــتــمل

أبي مطلعك.... ودي معـــــك

أنهي عذابي في سلام

آه يامعذبي ... منك شبقى

غير الشقى....آه يامعذبي

أبختصر كل الكلام في كلمتين وبأنسحب

أنسى الحنين.... وذيك السنين

وأنسى أن لك .... يوم محــــــب

لاني حبيبك.....ولا أنت مطلبــي

أبي مطلعك.... ودي معـــــك

أنهي عذابي في سلام

---------

راحتــي فـــيـــك




تعبت أدور راحتي وأثرها فيك...

لقيتها يوم التقيت بعيونك...

أفرح أنا بشوفتك يوم ألاقيك...

مقدر أعيش العمر لحظة بدونك...

حبك سرى بالروح وشلون أخليك...

أهواك لو زاد الألم في طعونك....

تدري اذا مرت عليه طواريك....

قمت أتذكر بالليالي شجونك...

شعرك دجى ليل ظلامه يغطيك.....

والا القمر لونه يجي بعد لونك....

ما أقولك ظالم ولا أقول مابيك....

تدري حياتي وراحتي في عيونك....

-----------

قالت لي الليلة




قالت لي الليلة ترا ليلة سهر

والشعر مرفوع على هامة قمر

قالت أنا مشتاقة لك بالحيل

وأرخت على جيدها الليل....وسلهمت

تسدل على سحر عيونها ظلال.... تبسمت

وشالت من على متنها الشال

وقالت لي الليلة ترا ليلة سهر

الليلة لعيونك أنا بكتب قصيدة

وباخلق في غرامك ..ولاجلك سوالف جديدة

وباصرخ بكل مافيني أحبــــك

وشوقي نظرة عيونك تزيده

وأناجي بروحي وجـــــــودك

وألاقي بوعودي وعــــــودك

وقالت لي الليلة ترا ليلة سهر

لو تحسبين الليالي ....اللي في حياتي انقضت

وحسبت عليه ليالي....ومرت في عمري ومضت

ماتسوى عندي دقيقة....ألقاك فيها بلهفتي

وأشوف خيالي حقيقة....والمح في عينك فرحتي

ياهنا الروح...يانتي.....قلبي جـــــروح....وأنتي

بلسم الجرح ودواه

فرحة العمر وهناه

وقالت لي الليلة ترا ليلة سهر

-------------


لاقبــــلكم أحـــد


لاقبلكم أحد ....لابعدكم أحد

انتو بس الحبايب ....عندنا للأبد

ننجرح لو زعلتوا .....ولو رضيتوا رضينا

شوفوا اشلون صرتوا...نبضة القلب فينا

جمعتنا المحبة ..... وابتدينا الدروب

صعبه والله صعبة ....تفترق هالقلوب

في بحركم رسينا....وابتدينا هنانــا

ابحري يالسفينة.... الحبايب معانا

------------
مــــعقولة ماحــسيت



معقولة ماحسيت ...مثلي ولا عانيت

معقولة ماتذكر.... لجلك أنا شسويت

أضويت لك شمعي ... وأرخصت لك دمعي

واصغيت لك سمعي... وأنت ولا ناديت

معقولة ماحسيت

نسيت أنا أصحابي...وأبعدت أنا أحبابي

حزني عليك أكبر ....من همي وعتابي

أضويت لك شمعي... وأرخصت لك دمعي

وأصغيت لك سمعي...وأنت ولا ناديت

معقولة ماحسيت

خليتني بدربك... حاير مع حبـــــــك

حلفتك بربك.... ما أشتقت لي وحنيت

أضويت لك شمعي... وأرخصت لك دمعي

وأصغيت لك سمعي...وأنت ولا ناديت

معقولة ماحسيت

------------
نــظــرة الــنــاس



لاهم لاشكوى ولا شئ أحاتيه

عندي تساوت نظرة الناس للناس

ماعاد لي شخص مع الناس برجيه

دام الخيانة بالبشر مالها قياس

ودعت ماضي ذكرياتي ولابيه

وصديت باب القلب عن كل هوجاس

وقت مضى ماعاد لي حاجة فيه

ماشفت إلا المآسي والأتعاس

نفسي عزيزة وقدرها ماتوطيه

دايم لها في درب الأشواق مقياس

أبديت عذري والعذر واضح فيه

في بعض خلق الله غريبين الإحساس

------------------

هـــذا انـــتــه



وش اللي جابني بالك.... ماصدقت أنا أنساك

حسبتك رحت في فالك.... وطويت بدنيتك ذكراك

وش اللي ذكرك فيني

بعد ماكنت ناسيني

غريبه انت هذا انته ..... تجي وتمد لي يمناك

جيتني شايل أحزانك.... وهم الدنيا في عيونك

مدري الوقت اهو خانك....ولا اللي يحبـــونــــك

رووووح ابعد وخليني .... ترى مافيني يكفيني

وأنا ماني على خبرك

ولاقلبي تحت أمرك

هذاك أول تمنيتك.... تجيني وأفرح بشوفك

صحيح اني ترجيتك... وتعذرت انت بظروفك

لاااااما بي انا قربك.....ولا امشي ابد دربك

أبي تبعد وتنساني... ولا ترجع بعد ثــــاني

-----------
هــي لــيــله



هي ليلة العمر ليله....ياليتها الف ليله

حبك حبيبي ملكني....وماغير قلبي يشيله

شفتك وطابت جروحي ...ياكل عمري وروحي

أنت مناي وطموحي.... والروح عندك دخيله

اسكن في قلبي وعيني...بسد عيني بديني

الحب بينك وبيني ....وأنت الحياه الجميله

يانجمة في سماي ... يضوي سناها هواي

مدامك أنت معاي .... كل ليله هي ألف ليلة

--------------

(((يـــاغلاهـــــم)))



ياغلاهم يا كثر والله غلاهم ...ويارضاهم بس وين ألقى رضاهم

طوعوني بالمحبه وطعتهم... ومن هواهم ويل قلبي من هواهم

ولعوني في هواهم وشغلوني ... وتركوني وحيروا فكري وظنوني

لو يجوني كل ماأملك لهم.... هم عيوني ومهما راحوا هم عيوني

آه ويلي مادروا إني أعاني.... وأن قلبي في محبتهم عصاني

هذا حالي والسبب هو بعدهم ...

ويش أسوي ماصفي جوي مع زماني.

------------

( ياداعج العين )



ياداعج العين والحيات مقرونة

والخد براق ليل في الدجى التالي

فيك الحلاوة والجمال اللي يحيدونه

وتحوز عن جملة الأرام يـــاغالــــي

محبتك داخلية في القلب مضمونة

ولا بد أصبر على مكنون غربالي

والقلب منك العواذل لو يعذلونه

مايستمع عذل من جا عنك عذالي

لو للهوى شرع في تحكيم قانونه

ماكنت مظلوم في تعذيب ونكالي

شوفك يعالج جروح القلب وطعونه

والموت ياصاح من تعذيبك أشوالي

راعي يديل سبيب كاسي امتونه

متعثكل فوق متني ردفه العالي

العين عين أشقر للصيد مضمونه

مطلوب مرغوب لو كان الثمن غالي

والخد جنديل يسني من سنا لونه

مشراق ضي يشابه نور لهلالي

مبعد خلاوي عن اللي هم يرودونه

يتعب ودونه نزو المبعد الخالي

لي يال طاريك همت بروح مشطونه

عليك واصفج ابراحة كفي الخالي

مثل الذي هام بصحرى مايدلونه

عليه منها زريــج ابــزوم شـــلالي

ياناس خلوه المشتاق لا تلومونه

ما كان ينلام من مثلي على حالي

..............

تحياتي وأشواقي لكم..


 


رد مع اقتباس
قديم 2010-07-05, 11:57 PM   #7
~*~ شــذووي QT ~*~


الصورة الرمزية ~*~ شــذووي QT ~*~
~*~ شــذووي QT ~*~ غير متواجد حالياً

بيانات اضافيه [ + ]
 رقم العضوية : 923
 تاريخ التسجيل :  Jan 2010
 أخر زيارة : 2012-06-26 (09:49 AM)
 المشاركات : 3,399 [ + ]
 التقييم :  150
لوني المفضل : Cadetblue

افتراضي



يسلموووووو خيووو


 


رد مع اقتباس
قديم 2010-07-06, 04:06 AM   #8
خرش الظفيري


الصورة الرمزية خرش الظفيري
خرش الظفيري غير متواجد حالياً

بيانات اضافيه [ + ]
 رقم العضوية : 1271
 تاريخ التسجيل :  Apr 2010
 أخر زيارة : اليوم (07:07 AM)
 المشاركات : 8,769 [ + ]
 التقييم :  520
لوني المفضل : Cadetblue

34  

الاوسمة

افتراضي



يسلمج ربي شذووووووووي منورهـ متصفحي خيتوووووووووو



أشكرج على مرورج الرائع يالغاليه ...


 


رد مع اقتباس
إضافة رد

مواقع النشر (المفضلة)

كلمات لأغاني عبدالكريم عبدالقادر



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
احلى اغاني عبدالكريم عبدالقادر استماع تحميل ǁ ! тмиєтк ! ǁ قسم كلمات الاغاني والطرب / Music & Songs 1 2011-06-25 04:46 PM
اجمل اغاني عبدالكريم عبدالقادر استماع تحميل ǁ ! тмиєтк ! ǁ قسم كلمات الاغاني والطرب / Music & Songs 4 2010-09-04 10:29 AM
اغنية علي عبدالكريم ◄ انا اللي عذابي من حبيبي ǁ ! тмиєтк ! ǁ قسم كلمات الاغاني والطرب / Music & Songs 0 2010-04-22 05:41 AM
علي عبدالكريم ◄ يا سلام و يا سلام الله ǁ ! тмиєтк ! ǁ قسم كلمات الاغاني والطرب / Music & Songs 0 2010-04-22 05:36 AM
كلمات عن الحب ريحانة المنتدى العام / General Forum 10 2010-03-12 09:27 AM


الساعة الآن 02:00 PM


Powered by vBulletin® Version 3.8.7
Copyright ©2000 - 2014, vBulletin Solutions, Inc.

HêĽм √ 3.1 BY: ! ωαнαм ! © 2010
new notificatio by 9adq_ala7sas
دعم Sitemap Arabic By


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431